希臘米克諾斯，卡托米利風車 | Windmillsof Kato Mili, Mykonos, GR
其實家裡還有一大堆家務等著我，但看到近來好人多去希臘呀 ~~
又重喚回我對那美好小島的回憶。
而且…… 花茶都快一歲了 (你還好意思講 =_=)
所以我就把之前寫的 upload 上黎啦！其實我真係有寫架！
只係無時間 upload 姐 ~~
行程按小島分開寫
(東西是幾年前寫的，所以可能會有 jetlag 請小心服用)
米克諾斯島 (Mykonos) — 愛琴海的白寶石 — 相傳海神波塞冬 (Poseidon) 以巨石擊斃了Titans (泰坦族) 巨人，而 Mykonos 就是那塊巨石散落在愛琴海的殘骸 (也有一說是在 Mykonos 打敗 Titans)。
當你讀過幾篇故事後就會發現，愛琴海上美麗而又夢幻的各個小島所流傳下來的傳說，都有幾分狗血吐糟 (像之前提過的愛琴海名字由來) 和 Mykonos 由來，皆可體現一二。
話說回來，大家這麼自覺每年都翻新自家外牆，是因為政府派發白油漆給住戶，原意防蟲。
旅畢希臘後，我覺得 Mykonos 甚至比 Santorini 更漂亮，更有特色。
之前說會提下超驚險 / 驚嚇的一程飛機 ATH (Athens) – JMK(Mykonos)。
老實講我坐飛機既機會雖然不多 — 但一年幾次都絕對唔可以話少。
坐到全程抓住身邊位男人一直叫真係第一次。
好彩身邊果個已經成為我老公，如果係男朋友既話佢應該要重新考慮要唔要同我求婚。lol
(所以換個 channel 用廣東話寫呢段 XDD)
愛琴海上風大浪大，又係 A320 (細機型)。
機師可能為左就風勢而經常將機身傾斜 45° + 大掟彎。
又可能因氣流問題時常急降，令我屁股離開坐位然後又比安全帶壓返落去，個心當堂離一離。
通常急降後機上果幾個 B 都會即喊 — 我都想喊埋一份呀……
呢張相其實表達唔到 45° 大掟彎果種感覺，但了勝於無。
本來呢程機我好大期望，因為黃昏時分愛琴海上空既日落唔係成日有機會睇到。
但最後我決定抓實身邊既男人盡量保持住我婚前係佢面前扮出黎既優雅形象。XDD
最後飛雞一直係跑道上空係咁 45° 大掟彎。
因為風實在太大機身實在太輕，要搵個最好最靚最萬無一失既切入位架機先可以平安落到地。
當時除左 BB 既喊聲，全機靜到無人出聲，個個都乖乖將安全帶當馬甲咁用扣拉到最緊。
當架機平安降落果陣，全機人真心拍爛手掌 (包括我)！
掌聲比男人睇到自己支持果隊贏波更 high、比女人睇完一場超級精彩既 concert 更激動！
未試過聽到咁真摰既掌聲 — 果刻真係滾動到流淚。
飛機降落後全機人拍掌呢 d 都巿傳說，我咁大個女終於見識到 —
但老實講，我唔想經歷第二次。
所以回程我地決定 — 坐船。lol
我們住在Hora (Mykonos town)，Mykonos 主鎮。
民宿環境優美，藍白相隔，完全是希臘小島風情。
前一晚到步黑幕已降，除了民宿燈火外，其餘漆黑一片，所以沒有注意周圍環境。
誰知今早醒來，一出門望向民宿外一馬路之隔，就有如此令人驚豔的美景。
有種「懶係住係半山到俯瞰世界」既虛榮。
人地 D 屋真係咁白，個海真係咁藍架 ~
幻想下站在自家後花園：
腳泡藍泳池，手握水晶杯，杯盛紅美酒，酒靚照碧海……
夢醒啦！擦擦口水吧啦……
Mykonos 小巷沿途謐謐，一步一景。看到住家的衣物，感覺鮮活恬靜。
(重看這張照片，突然發現某人的衣服原來曾經鬆弛過 XDD)
這個 LV 很希臘。
小島的教堂是東正教堂 (有錯請指正)，有關東正教和其教堂特色，能說的實在太多，有興趣可自行 wiki 或百度，在此不述。
比較有興的是教堂蓋成那麼矮小的原因：
是吧。所以教堂都建成人人能仰望、位位都能拍而不用躲太陽的高度。
晒圖之前，都要惡補下地圖：
(credit：http://www.planetware.com/i/map/GR/mykonos-map.jpg)
這張地圖非常好用。基本上地圖所見皆可走路到達。
一眼看去，Hora 最著名的景點都已經在這地圖上了。
小威尼斯。
第二張的顏色比較接近實境 (呢 d 就係傻瓜機同大機影出黎既分別 =.=)。
人地個天真係咁藍，個海真係咁清架！！<< e, 呢句句式好熟面口喎 ~ XD
Mykonos 曾經被威尼斯人占據過，所以隨處可見水都風情。
之但係……
風！
超！
級！
大！
浪花都打到沿岸的餐廳來。
為免變成癲婆，請記得帶綁頭髮的來。
另一端是五個風車。這五個風車是 Kato mil，最早是用來磨麥的。
從風車處望向小威尼斯。
真心覺得在這兒拍 pre wedding 應該很不錯，超有動感的。
要知道我手上那塊是 75 x 150 的針織 blanket！是 blanket 呀！不是薄紗！！
很動感沒錯，但真是冷的要命！
連國旗都很給力在搖！完全不用擔心拍不到。
在這兒等日落也是個辛苦活，因為真的很冷又大風。
記得要帶帽子，不然女生很容易吹到頭痛。
這是愛琴海的日落耶 ~~
依然係果句，日落就算係手殘既人點影都唔會差得去邊 ~
所以我真係好中意影日落呀 ~~
華燈初照下的風車美得很夢幻。
Hora 的另一邊：
站在 x 位望向 Ferry Port
上篇提到到希臘必吃的 Pita：
(上篇 po 上來已經係 n 年前的事了，可點下 → 這兒 ← 重溫當年今日)
呢 d 先係真正既窮人恩物呀！！
(下圖為網上找來的)
Pita 是中東地區的特色食品，就是“Arabic Bread + meat”。
可以想像成 Pizza底包住肉捲起來食既一道菜。
淨餅皮叫 “Pitabread”。
用「北京烤鴨」來比喻就很清楚：
北京烤鴨：餅皮 + 蔥醬等有的沒的 + 肉 + 捲起來吃
Pita：Pita bread + 薯條洋蔥菜沙律醬 + 肉 + 捲起來吃
Pita 主要有：
Chicken Pita
Beef Pita
Gyros Pita
Souvlaki Pita
Gyros 和 Souvlaki 我問過店家，他們說都是 “fusion” 的意思。就是看每家店將豬雞牛羊什麼的都 mix 在一起的東東。唯一分別就是：
Gyros 是「傳統美食」，希臘語中指一種烹調方法：
將一大塊肉垂直叉住轉黎轉去咁烤。
(網上找來的圖)
Souvlaki 是「快餐」希臘語是 “small skewer” (烤肉串)。
就係平時我地搵木籤鐵籤吉住黎 BBQ 果 D。
(網上找來的圖)
所以Gyros 和Souvlaki 的肉可能是一樣，都係豬雞牛羊雜 but 拎，只係煮熟既方法唔一樣。不過 Souvlake 因為是放在鐵架上 grill，加上後期調味，肉質比較有機會硬、韌同鹹。
說完 Hora，就說說我們租電單車閒逛小島的其他地方。
本來想租 Smart 或沙灘車的，但考慮到方便性同可以走遠一點，最後都係電單車。
覺得好似賣緊電單車廣告 —
如果係黑色重機 + 無晒我地 D 包包既話 XDD
他們很愛護自己的家園，把地方打理得很漂亮。
簡單的花草，純樸的歐陸情懷，或許就是東方人所嚮往的異國風情。
據說紅色頂是用來舉行婚禮的：
以為在澳洲已經對水清沙幼的海灘免疫了，
但看到這些美麗的海岸，還是很有衝動跳下去 XDD
少不了建築很希臘的 sb 和一杯 sb：
店員問了我們的名字，然後……
雖然沒有 green tea latte 但個杯有加分有加分XDD
都叫去過其他地方的 sb，但有當地名字寫法的杯子
是第一次。可惜，有飲過。不然就會收藏起來。
喜歡他們把自己的地方收拾得乾乾淨淨、
整理得漂漂亮亮。
很多店家外面都會放些 cushion……日曬雨淋 XDD
(我果然沒有詩意)
(情趣既野，你識乜吖 ~~)
超過 50 張相啦 ~~
要埋尾了 ~~
給張夜景給你們看看：
還有幾個小花絮：
(圖都執了廢事做白功啦，係咁易 up d 上黎交功課)
Mykonos 好大風
女生一定要綁頭髮
切記！切記！
喵 | 180605 補發
